"Ямьле" төркеме әтиләренә багышлап җыр чыгарганнар

Составында ике керәшен кызы Вероника Кузнецова һәм Алина Давыдова булган "Ямьле" төркеме "Әтиемә" дип аталган яңа җыр тәкъдим итте. Җырны төркемнең солистлары Альбина Казыханова, Вероника Кузнецова һәм Алина Давыдова үзләренең әтиләренә багышлый.

Тиздән җырның клибы да чыгарга мөмкин. Чөнки күптән түгел "Ямьле" Инстаграмдагы аккаунтында әтиләре белән төшкән фотоларны урнаштырып, аның астына: "Без клипны төшереп бетердек. Аның төп геройлары - безнең әтиләр! Әйе, бу безнең яңа җырыбыз...", - дип язганнар иде.