Питрәч районының Иске Шигали авылында “Көлү һәм күз яшьләре” спектакле куелды.
Спектакльдә Кощаково авылының “Созвездие" театр студиясендәге өлкән төркем укучылары уйный. Әлеге тамашаның максаты – талантлы балаларны барлап, аларны иҗатка тарту аша сәләтләрен үстерү.
“Һәркемгә ошады. Балалар оста уйнаулары белән тамашачыларны шаккатырды. Актерлык сәләте дисеңме, сөйләмнәре беләнме – теләсә кемне көнләштерерлек”, – дип яздылар Питрәч районының мәдәният хезмәткәрләре.
Кощаково мәдәният йортында Шигали мәдәният йортының театр студиясе балалары да чыгыш ясаячак. Алар шулай бер-берсе белән аралашып, тәҗрибә уртаклашып яшиләр.
Нет комментариев