Казан керәшен оешмасының 35 еллыгы уңаеннан зур концерт булачак

Концертта Галина Казанцева, Георгий Ибушев, Зоя Борисова, Валерий Шрыков, Марина Карпова, Игорь Дмитриев, Григорий Сергеев, Александр Игнатьев, Татьяна Ефремова, керәшеннәрнең «Бәрмәнчек» дәүләт фольклор ансамбле, «Айбагыр» халык ансамбле һәм башка танылган җырчыларның катнашуы көтелә.

Кичәне Г.Камал исемендәге татар дәүләт академия театры артисты Олег Фазылҗанов, «Бәрмәнчек» дәүләт фольклор ансамбле оркестр артисты Елена Григорьева һәм сүз остасы Евгений Максимов алып барачак.

«Танылган керәшен җырчылары катнашындагы бу концерт бик матур булыр дип уйлыйбыз. Алып баручылар тамашачыны оешмабызның тарихы – аның ничек барлыкка килүе, оешманы кайсы елларда кемнәр җитәкләве белән дә таныштырып үтәчәкләр», – дип хәбәр итә Казан керәшен оешмасы җитәкчесе Светлана Борисова.

27 февраль, 15:00 сәгатьтә башлана.

Казан, Копылова урамы, 7/2 йорт. Керү ирекле.