Казак җыры ансамбле катнашучылары тамаксалар ясый

Түбән Каманың танылган "Вольные распевы" казаклар җыры ансамбле катнашучылары кичләрен җыелып, кул эшләре белән шөгыльләнергә яраталар икән. Аеруча, файдалы булсын, дип тырышалар. 

Шундый кичләрнең берсендә керәшен милли бизәнгеч әйберен – тамакса ясап караганнар. Нәтиҗәсе әйбәт булган. Тамаксаларын алар Түбән Каманың "Асыл нәсел" балалар ансамбле катнашучыларына тапшырганнар.

– Талантлы кеше бар эштә дә киртә түгел, ә мөмкинчелекләр күрә. Безнең шундый дусларыбыз бүләк әзерләгәннәр. Хәзер кечкенә җондызларыбыз сәхнәдә тагын да якытырак балкылар. "Вольные распевы" ансамбле һәм аның җитәкчесе Ольга Вәлиуллинага зур рәхмәтләребезне әйтәбез, – диде "Асыл нәсел"нең җитәкчесе Альбина Никитина.