Качману алдыннан атнакөнне әйтелә торган үгет

Үгет үзгәртелмичә, чиркәү-керәшен язуында бирелә. 
Буш кырда чумылдырыучы Iоаннъ булган, ул жазыклар кичерелер ӧчӧн тяӱбя итеӱ чумылдырыуын сӧйлягян (Маркъ.1,4).

Эй туганнар! Бӧгӧн укылган Евангелiе Ходайыбыз Iисусъ Христосны чумылдырган Iоаннъ пагамбярне искя тӧшӧря. Iисусъ Христосъ утыз жяшкя житкенче Назаретъ каласында, кадерле Анасыныҥ сюзен тыҥнаб, караб, туйдырыб ӱстереӱчесе Iосифъ картка баш салыб, ӓр-бер эшляреня булышыб торган.

Утыз жяшкя житкяч, жазыкланган ӓдям затын мяҥгегя харяб булыудан жолар ӧчӧн, Iисусъ Христосъныҥ Алла Падшалыгын сӧйляргя чыгар багыты житкян. Пагамбярляр алдан ӓйтеб, княгягя жазыб калдырган буйынча, Христосъ алдыннан, Аҥар жул ӓзерляргя бер чумылдырыучы килергя тейеш булган. Ходай ӓйткян сюз жиреня килгян. Шул кӧннярдя чумылдырыучы Iоаннъ Iудеяныҥ буш кырына килеб, калыкларга Алла падшалыгын сӧйлӧй башлаган. Бу Iоаннъ пагамбяр Iорданъ суыу буйында, буш кырда iудей калкына сӧйляргя ней сябяблей Христосъ алдыннан жибярелде икян? Шунныктан, ӓр-кем yзенеҥ бик жазыклы икянен тойоб, тяӱбягя килсен, Христосны карышы алырга булган кеше ӓзер торсон диб. Бу Iоаннъ пагамбярнеҥ сӧйляӱе, аныҥ ӓйткян сюзляре ул багыттагы кешеляргя дя казерге замандагыларга да бик габрятле, бик пайдалы. Ул жанына жыйылган калыкка ӓйткян: Тяӱбягя килегез, инде Кюк Падшалыгы жакыннашты шул.  (Матф. 3,2).

Эй туганнар! Кюк Падшалыгы жакынын жакын, алай булса да кастяреннян тормагач, жакын булса да жырак тора, аны жакыннаштырыу ӱз иркебездян шул, ӓгяр дя тырышсак, жакыннашыр, тырышмасак, жакыннашмас. Шул сяятлей котоласы килгян кеше иҥ элеке ӱзен-ӱзе тӧзятеб тяӱбягя килергя, олосомаклыгын ташларга, беряӱдян дя дан, кадер кӧтмяскя, ӱзен-ӱзе жакшыга куйыб, кешене чакка санамаска, ӓммя бик жазыклы икянен тойоб, зур изгелекле Ходай Аллага: Yзеҥ миҥа булыша кюр, Петрны сыуга батыудан коткарган кюк, мине дя жазыклар быгауыннан, тӧбcӧз урынга батыудан, мяҥгегя харяб булыудан коткар диб, Аллага инялергя тейеш.

Балта инде агач тӧбӧндя жата: арыу жимеш китермей торган агачныҥ ӓр-кайсын кисяляр дя утка ташлыйлар (Матф. 3,10).

Эй туганнар! Ӓгяр дя бу сюзлярне жалан исебездя тотсак, безнеҥ кюҥелебезгя ул куркыныч тӧшяр эйе. Сак булыйык, бу балта ӓр-кайчан да минем жанда, гумеремнеҥ ишеге тӧбӧндя жата диб белмейек; арыу жимеш китермягян, Алла Ходай кюз ачыб, кюз жомганчы кисеб алыб, мяҥге тамук утына ташламасы булмасын диб уйлаб, арыу жимеш китерергя тырышыйык. Yлдеҥ, эш бетте, анда тяӱбя жук, телягеҥ дя кабыл тӱгел, тилмереyеҥне дя беряӱ дя ишетмяс, тик мяҥгегя азабланыб кна жатарсыҥ.

Аныҥ кӧряге кулында, Ул ындырын ӓрчер, бодайын келятеня жыяр, кибяген сюнмяс утта жандырыр (Матф. 3,12).

Фото Тихвин чиркәвенең ВКдагы битеннән алынды