«Гөргөри» фирмасы (мәзәкләр)

Түбәдән егылып төшкән

Бер язны Хуҗа түбәдән кар көрәгәндә өй түбәсеннән егылып төшкән. Күршеләре, тора алмыйча
яткан Хуҗа янына килеп:
— Йә Хуҗа, ни булды сиңа? Нишләп җирдә ятасың? — дип сораганнар.
Хуҗа аларга:
— Минем хәлемне беләсе килгән кеше әнә шул түбәгә менсен дә егылып төшсен, — дигән.

«Гөргөри» фирмасы

Аю хезмәте күрсәтәм — махсус заказ буенча.

***

Чөгендер сатам – шалкан бәясе.

***

Йодрык күрсәтәм – бушлай.
***
Сезнең уч белән утлы күмер көрим — бәясе күмер исәбеннән.

***

Сүз белән күз буйыйм — буяу заказчыдан.

***

Хыялларыгызны суга сәнәк белән язам — сүзе 150 сум, сәнәк миннән.

Ызгышасы килми
Хатын иренә: «Кесәңдә чиста кулъяулык бармы?»
Ире эндәшми.
Хатыны: «Кесәңдә чиста кулъяулык бармы?»
Ире эндәшми.
Хатыны : «Нигә эндәшмисең?»
Ире: «Ызгышасы килми...»