Анна Карликова шигырьләре

Миләшкәем
Өй каршындагы миләшем
Шау чәчәккә күмелгән.
Яфраклар арасыннан
Купшы, матур күренә.

Миләшкәем чәчәкләрең
Бик тә нәфисләр икән
Олыгаеп кына белдем,
Элек күрмәдемме икән?

Миләшкәем, миләшкәем
Җимешләрең мул булсын.
Кызыл-көрән тәлгәшләрең,
Балланып тәмләп пешсен.

Кызык түгел карчык
Карт кешегә берни кирәкми шул,
Клуб кадәр өйдә берүзе.
Йөреше дә чаштыр-кыштыр,
Шәләми дә ахры, бер күзе.

Яшь чагында типсә тимер өзде
Бер эштән чирканмады.
Тырыш эшче булып макталды,
Намуслы эшләп ялга чыкты.

Йорт-җирен тотты төзек
Өе таштан, әйбәт мунчасы.
Шушы йортлар кемгә кала икән,
Кем соң булыр, өйнең хуҗасы?

Әле икәү бергә чакта,
Кара-каршы утырып сөйлисең.
Әбиеңме, яки бабай күзен йомса,
Ачы ятимлектә каласың.

Яшь чагында бик тырышып,
Мал җыябыз кемгәдер.
Балама булыр дип уйласаң да,
Ходай кемгә язса, шуңадыр.