Монай авылында Бал Спасын билгеләп үткәннәр

Бәйрәмгә халык күп җыелган. Бу хакта безгә мәдәният йорты җитәкчесе Надежда Бакаева сөйләде: 

«Олылар да, балалар да бу күңелле бәйрәмне безнең белән уртаклашырга җыелдылар. Кунаклар өчен без төп атрибут, әлбәттә, бал булган өстәл әзерләдек. Барлык теләүчеләр төрле сортлардан авыз итә алдылар, шулай ук коймак, хуш исле бал һәм алма бәлешләрен дә кабып карадылар. Бәйрәм озакка истә калсын өчен, без якты фотозона ясадык. Иң кызыклы момент умартачы костюмын киеп карау булды! Балалар да, өлкәннәр дә бик теләп саклагыч битлекне киеп карадылар, үзләрен чын умартачылар итеп хис иттеләр һәм эшче бал кортлары янында сак, ләкин куркусыз булуның мөһимлеген аңладылар».

Моннан тыш, мәдәният йорты хезмәткәрләре балалар өчен танып-белү викторинасы үткәргәннәр. Балалар бал кортлары турында гаҗәеп фактлар белгәннәр: мәсәлән, алар ничек аралашалар, бер кашык бал өчен ничә чәчәк очып үтәргә кирәк һәм ни өчен алар табигать өчен бик мөһим.

Фотолар: Н.Бакаева.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.