Краб таякчыкларын нәрсәдән ясыйлар?

Краб таякчыкларыннан салат ясау рецептларын японнар уйлап тапкан. Япониядә милли ризыкларның төп ингредиенты - краб. Узган гасырның җитмешенче елларында крабка алмаш уйлап табу ихтыяҗы туа. Чөнки краблы ризыклар популяр булганлыктан, кысласыманнарның бу төренең баш саны кимегәннән-кими.

Японнар краб ите урынына ясалма ризык уйлап таба, аны «краб таякчылары» дип атыйлар. Бу турыда фактлар сайтында язылган. 

Краб таякчыкларына нигез итеп тәрәчсыман (треска) балыкларның итен алалар. Аннан фарш ясыйлар, ул «сурими» дип атала. Суримига йомырка оны, куерткыч, соя соусы, краб ароматизаторы өстиләр. Шушы боткадан нечкә таяклар ясыйлар. Аларны парда пешереп, артык маен парландырып бетерәләр.

Шулай итеп, катламлы балык таякчыклары барлыкка килә. Бу әйбер крабка бераз булса да охшасын өчен, аларның өстен кызыл төскә буяп җибәрәләр, диелә хәбәрдә. 

Чыганак: Интертат

Фото: https://pixabay.com/ru