Макарон файдалымы?

Каты сортлы бодай оныннан әзерләнгән макаронның 70 процентын углеводлар алып тора. Аның составында, шулай ук, аксым (25 процент), майлар (1 процент) һәм кан составындагы холестерин күләмен киметә торган клетчатка бар. Ризыкның витамин һәм минераллар кыйммәтен арттыру өчен, макаронга минераль матдәләр, тоз һәм витаминнар, нигездә, В группасы витаминнары өстәлә.
Мондый макароннар аз калорияле булу белән беррәттән, организмга кандагы глюкоза күләмен нормада тоту мөмкинлеге бирә торган шикәргә дә бай.
Спагетти составындагы триптофан аминокислотасы йокыны нормальләштерә һәм кайбер төр депрессияләрдән арынырга ярдәм итә.

Чыганак

Фото:https://pixabay.com/ru