Сәвәләй егете Николай Удмуртиядә хәрби бурычын үти

Сәвәләй авылы егете Николай Бутяев узган көзге чакырылышта хәрби хезмәткә киткән. Ул Удмуртия республикасының Кизнер поселогында инженер-сапер полкында хәрби бурычын үти. Зәй политехник колледжында белем алган егет өйләнергә дә өлгергән. Аның улы бар. Билгеле, Николайга гаиләсен калдырып китү ансат булмый, әмма авыл һавасын сулап, җир сулышын тоеп үскән егет хәрби хезмәттә дә сынатмый.

-Улым хезмәтеннән бер дә зарланмый, киресенчә, телефоннан сөйләшкәндә барысын да сабыр, тыныч итеп аңлата. Минем теләгем бер - җир йөзендә сугыш утлары кабынмасын, яшь егетләрнең гомере вакытсыз өзелмәсен, әти-әниләр кайгы яше түкмәсен иде. Улыбызның туган якларга кайтуын сагынып көтәбез, - ди әнисе Татьяна.

Фото гаилә архивыннан.

Зәй офыклары