Сәвәләй егете Данил Екатеринбургта хезмәт итә

Узган көзге чакырылышта Данил Ватан алдында хәрби бурычын үтәргә үз теләге белән китә. Ул Екатеринбург шәһәрендә радиоэлемтә гаскәрләрендә хезмәт итә.  Бирегә солдатларның иң җаваплыларын, иң осталарын сайлап алалар.  Спорт белән шөгыльләнеп үскән  Данил физик, рухи  яктан да  нык.  “Данил бик яхшы, тугры, ышанычлы иптәш”, -ди дуслары аның турында. Егет якыннары белән даими хәбәрләшеп, авыл, район тормышы белән кызыксына.

-Армия хезмәте ир-егетне сабыр булырга өйрәтә, чыныктыра. Улыбыз хезмәтеннән зарланмый. Минем фикеремчә, егетләр хәрби бурычларын үтәргә тиеш, алар аннан чын ир-егетләр булып кайта, -ди әнисе Елена.

"Зәй офыклары"