Керәшен йолалары белән якынрак таныштырдылар

Анастасия Усачева тормыш юлына һәм иҗатына багышлап, 10 нчы мәктәптә «Бер күрешү – үзе бер гомер» очрашу узды. 7 нче һәм 9 нчы сыйныф укучыларына шәһәребез шагыйрәсе авыр, ләкин шул ук вакытта кызыклы узган тормыш юлы турында сөйләде, үз иҗаты белән таныштырды, җырлар башкарды. Балалар да әзерләнгән: Анастасия Тимофеевна шигырьләрен ятлаганнар. Очрашу вакытында сораулар да бирделәр. Анастасия Усачева ике китабын мәктәпкә бүләк итеп калдырды.

«Сүрәкә» фольклор ансамбле Галина Еремеева 28 нче мәктәп укучылары белән очрашып, керәшеннәр турында сөйләде һәм балаларны керәшен йолалары һәм уеннары белән таныштырды.

Соңгы елларда Халыкара туган тел көнендә Халык иҗаты йортында зур бәйрәм оештырыла. Шәһәребезнең барлык милли оешмалары катнаша анда. 21 февральдә узган бу бәйрәмдә Керәшен җәмгыяте быел да катнашты. 31 нче гимназия укытучысы Алевтина Даутова укучылары борынгы керәшен милли киеме турында сөйләделәр. Ә тамашачы залында сәхнәдә «Сүрәкә» һәм «Баш Чишмә» фольклор ансамбльләре «Туй» тамашасын күрсәттеләр.

Эльмира Ситдыйкова, "Туган як"

Фото: автор фотосы