Отец Николай нәрсә ди?

Яңа чиркәү буласы урынга фундамент салынып, агач кач куелуга да берничә ел узды. Чиркәү төзелешенә һаман да ныклап керешмиләр әле. Бу - священник өчен күңелле хәл түгелдер. Билгеле бер авылга җибәрелгәч, җиң сызганып эшне башлыйсы урында, чиркәү бинасын көтәргә туры килә. Бу турыда отец Николай Храмовның үзе белән сөйләштек. Ул болай диде:

- 90 ел ябылып торганнан соң, авылда яңадан чиркәү торгызу эше алай җиңел генә бармас инде. Священник итеп җибәрелгәндә, мин аның шулай буласын чамаладым. Әле ярый, кечкенә генә булса да, служба үткәрер урыныбыз бар. Моңарчы да күп вакытны югалт-тык, тагын да сузсак, тулы бер буынны югалтабыз, керәшенчә иман аңларлык кеше калмый. Беренче службаларга 5-6 кеше йөргән булса, хәзер бәйрәм көннәрендә утызлап кеше җыела. Җырлаучыларыбыз да күбәя бара. Ходай кушса, яңа чиркәү дә төзелер, халык та иманга тартылыр. Ахыр чиктә, бөтенебез дә Ходай каршысына барачакбыз бит...