Хуҗа Хәсән мәктәбендә «Хәтер бакчасы» акциясе узды

Татарстанда Батырлык һәм Хезмәт Даны елы кысаларында, Кайбыч районында урнашкан Советлар Союзы Герое И.М.Федоров исемендәге Хуҗа Хәсән мәктәбенең «Юнармия» отрядындагы чыгарылыш класс укучылары һәм активистлар, батыр бабаларыбызны һәм геройларыбызны хөрмәтләп, агачлар утырту чарасында катнаштылар.

Бу игелекле гамәл, Ватанны саклауда үзләрен күрсәткән каһарманнарның исемнәрен мәңгеләштерүгә юнәлдерелгән. Бу акция, яшьләрнең Ватанга мәхәббәтен, тарихны хөрмәт итүен чагылдыра.

«2026 елгы парламент дәресендә без Бөек Җиңүгә ирешүгә сәбәпче булган сугышчылар һәм тыл хезмәтчәннәренең батырлыклары турындагы тере хәтерне саклауның мөһимлеге турында сөйләштек. Шул вакытта «Хәтер бакчасы»н булдыру идеясе туды. Бүген бу идея тормышка ашты. Утыртылган һәр агач — тыныч күк өчен рәхмәт билгесе һәм киләчәк буыннарга фронт һәм тыл бердәмлегенең көче турында искәртү», — дип яздылар Хуҗа Хәсән мәктәбеннән.

Фотолар Хуҗа Хәсән авылы мәктәбеннән.