«Утыраек әле бүген кич...» - Түбән Юшады авылында җанлы очрашу

Авыл халкы бергә җыелып, «Утыраек әле бүген кич...» дип аталган очрашу уздырганнар.

«Бергәләп җырладык, күңел ачтык, сагынышып сөйләштек. Очрашуның кадерле кунаклары –  авылыбызның иң өлкән кешеләре Александра Александровна белән Алексей Петрович Арзамасовлар булды. Алар үзләренең истәлекләре белән уртаклашып, авыл тарихының үткән битләрен яңарттылар. Аларның сөйләгәннәрен тыңлау –  үзе бер зур бәхет», – диде мәдәният йорты җитәкчесе Наталья Чепкасова.

Мондый очрашулар авыл кешеләрен берләштерә, аралашуның кадерен арттыра. Олы урамда җыелып, бик рәхәтләнеп вакыт үткәргәннәр. Ә инде киләсе атнада Арт урамда очрашу көтәләр. Авылның яме — шундый бердәмлектә.

Фото: Н.Чепкасова.