Үри авылында 289 ел элек салынган чиркәү урынын аруландырганнар

Һәр елны, май аенда, авылның өлкәннәре җыелып, 289 ел элек салынган, әмма хәзер инде юкка чыккан беренче чиркәү урынына баралар. Бу урын алар өчен изге санала.

Анда әбиләр җыелып иман укыйлар, чиркәү урыны аруландырыла. Бу көнне алар бергәләшеп ботка пешерәләр, тәмләп чәй эчәләр, узган елларны искә алалар. Бу гадәт авылның тарихын, милли кыйммәтләрен сакларга ярдәм итә.

«Бу бик күркәм күренеш! Үри Чаллысында 1736 елда авыл янындагы биек тау өстенә агачтан чиркәү салына. Шуңа, изгеләр шунда күмелгәндер, дигән фикердә инде авыл халкы. Ел саен Христос күккә күтәрелгән көн җиткәнче дип, аруландырырга менәләр. Илебезгә иминлек, мул уңыш сорыйлар. 

 

Бу урын, мөгаен, күпме күз яшьләрен, шатлыклы мизгелләрне, өметләрне хәтерлидер. Чиркәү инде юк, әмма аның урынын авыл кешеләре онытмый. Анда чачауник та куелган. Тирә-ягын авыл халкы чистартып, карап тора.

Ботканың хуш исе, чәйнең җылысы, әбиләр әйткән иманнар – болар барысы да бергә кушылып, вакыт аша үтеп, бүгенге көнгә килеп җиткән мирасны баета. Бу мирас – авылның йөзе, аның тарихы, аның киләчәге”, – дип сөйләде авылның клуб җитәкчесе Евдокия Толстова.