«Туганайлар»ның бер бүләге Мамадыш ягына китте

«Туганайлар» редакциясе, матур традицияне дәвам итеп, 2026 елның икенче яртыеллыгына газетага язылучылар арасында да кыйммәтле бүләкләр уйнатты: плед, үтүк, таба, фен, чәй сервизы, духовка өчен пыяла таба, бокаллар җыелмасы. Һәр бүләк үз хуҗасын тапты, аларны инде редакциябездән килеп ала башладылар.

Иң шәп бүләкләрнең берсе – үтүкне Мамадыш районының Новый поселогында яшәүче Емельянова Раиса отты. Әлеге бүләкне редакциябездән аның улы Валерий Емельянов килеп алды. 

«Газетага язылучылар арасында уздырылган розыгрышта узгаен ел да бүләк откан идем, быел да бәхет елмаыйды бит менә. Туганайлар» газетасындагы язмаларны да, социаль челтәрдә чыкканарын да һәрдаим укып барам. Рәхмәт сезгә, редакциядә эшләүчеләр! Керәшен дөньясында булган яңалыкларны яктыртып барасыз», – дип язды Раиса Емельянова.