Түбән Юшадыда үткәннәрне саклаучы җанлы почмак – музей эшли

Экспонатлар саны көннән-көн арта, ә аларны карарга килүчеләрнең күплеге бирегә булган кызыксынуның сүрелмәвен күрсәтә. Музей җитәкчесе Наталья Чепкасова үзе дә бу эшкә җаны-тәне белән бирелгән: ул үзенең гаилә истәлекләрен дә гомуми мирас итеп тапшырган. Ул музейга керү белән күзләренең шунда ук әбисе Марина чиккән бәйрәм алъяпкычына төшүен яшерми.

«Көндәлек тормышта әбиләр гадиерәкләрен кисәләр, ә бу — чын бәйрәм варианты, аның һәр чиге үзенчәлекле», — ди ул.

Музейдагы һәр әйбернең үз тарихы бар. Мәсәлән, Марфа Дмитриевна Казанцева бүләк иткән чиккән сөлге аерым игътибарга лаек. Андагы кызыл һәм кара төсләрнең гармониясе, үзенчәлекле бизәкләр нәкъ менә керәшеннәрнең мәдәни үзенчәлеген чагылдыра.

Биредәге алъяпкычлар коллекциясе дә игътибарны җәлеп итә: аларның төрле үлчәмдә булуы, һәркайсының үз максаты булуы халыкның тормыш-көнкүрешен, эстетик зәвыгын ачып сала. Түбән Юшадыдагы бу кечкенә генә музей — үткәннәр белән бүгенге көнне тоташтыручы җылы бер күпер кебек.

Н.Чепкасова фотолары.