Менделеевск районының Сәйтәк авылы китапханәсе мәдәният йорты белән берлектә «Керәшен йорты» музеенда фольклор дәрес уздырды.
Балалар керәшеннәрнең йола-гадәтләре, мәдәнияте турында күп кызыклы мәгълүмат белгәннәр, музей бүлмәсе экспонатлары белән танышканнар.
«Балаларга керәшен мәдәнияте, ата-бабаларыбызның көнкүреш әйберләре турында сөйләдек. Балалар карап кына калмыйча, барысын да үз куллары белән тотып карый алдылар, аларга бик ошады. Әлеге чараның максаты: балаларны керәшеннәрнең тарихы, көнкүреше, гореф-гадәтләре, киемнәре белән таныштыру», – дип язды оештыручылар.
Фото: Сәйтәк авылы китапханәсе
Нет комментариев