Май бәйрәмнәрендә Казанда гаилә фестивале узачак

Фестиваль өч көн эшләячәк һәм җиде тематик зонаны (концерт мәйданчыгы, спорт зонасы, мастер-класслар, «Игелек ярминкәсе», лекторийлар, ял һәм балачак зонасы) берләштерәчәк, дип язды «Татар-информ».

Парк сәхнәсендәге концертта балалар һәм шәһәр иҗат коллективлары, шул исәптән The Road рок мәктәбе, Игорь Крутой академиясендә тәрбияләнүчеләр, «Фантазия» хатын-кызлар джаз оркестры һәм Казан филармониясе катнаша. 1 һәм 2 майда шулай ук «Апуш» театр студиясе спектакльләрен һәм опера спектакльләрен күрсәтәчәкләр. Кич белән ачык һавада гаилә белән кино карарга мөмкин.

Яр буенда спорт программасы тәкъдим ителә. Шулай ук паркта мастер-класслар һәм лекторийлар эшләячәк.

2 майда коляскалар парады уза, анда катнашучылар креатив бизәлештә ярышачак. Моннан тыш, фестиваль кысаларында хәйрия ярминкәсе дә уза. Җыелган акчалар «Игелекле Казан» проектына юнәлдереләчәк.