«Керәшен дөньясына сәяхәт»: Яр Чаллыда этномәдәни чара узган

Чарада Татарстан халыкларының тарихы һәм мәдәни мирасы белән кызыксынучы яшьләр катнашкан. Аны керәшен мәдәниятен яратучылар клубы җитәкчесе Алена Евдокимова уздырган.

Очрашу барышында балалар керәшен мәдәнияте дөньясына мавыктыргыч сәяхәт ясаганнар. Программада  керәшеннәрнең тарихы һәм йола-гадәтләре белән танышу; керәшеннәрнең сөйләм үзенчәлекләре, бәйрәмнәре турында әңгәмә булган. Шулай ук, чарада мавыктыргыч викторина да узган. Катнашучыларда интерактив биремнәр аеруча кызыксыну уяткан, анда укучылар үзләренең керәшеннәрнең йола-гадәтләре турында белемнәрен күрсәтткәннәр.

Катнашучылар керәшен культурасы турында  яңалыклар белеп кенә калмадылар, милли традицияләрне, мирасны саклауның мөһимлеген дә аңладылар. Мондый очрашулар яшьләр арасында керәшен культурасын саклап калуга һәм популярлаштыруга, үз халкының йола-гадәтләренә ихтирамлы мөнәсәбәт формалаштыруга һәм этномәдәни мирас белән кызыксынуны ныгытуга ярдәм итә.

Фото һәм язма: «Родник» халыклар дуслыгы йорты