Иске Тәрбит мәктәбендә «Тылдагы хатын-кызлар» спектакле күрсәтелде

Ф.Таһиров исемендәге Зур Кайбыч район мәдәният йортының «Ак Җилкән» халык театр коллективы тамашачыларга күңелгә үтеп керә торган һәм тирән эчлелекле әсәр тәкъдим итте.

«Бу гади театр вакыйгасы гына түгел, ә безнең тарихыбызның иң фаҗигале битләренә юнәлдерелгән рухи көчләрнең чын сәнгатьчә елъязмасы. Спектакль сугыш чорында тылда калган хатын-кызларның авыр тормышын, аларның батырлыгын, сабырлыгын һәм ныклыгын күрсәтте. Аларның хезмәте, гаиләләрен, Ватанны саклау өчен күрсәткән фидакарьлеге тамашачыларны тирән хисләргә күмде.

«Ак Җилкән» коллективының оста башкаруы, сәхнә бизәлеше һәм музыкаль бизәлеше спектакльнең тәэсирен тагын да арттырды. Укучылар бу спектакль аша тарихның мөһим дәресләрен алдылар, тылдагы геройларның батырлыгын искә алдылар һәм аларның хезмәтенә хөрмәт белдерделәр. «Пушкин картасы» проектының мондый мәдәни чаралары яшь буынны милли тарихыбызга, мәдәниятебезгә һәм сәнгатебезгә җәлеп итүдә зур роль уйный», – диделәр Иске Тәрбит мәктәбе укытучылары.

Фото Иске Тәрбит мәктәбеннән.