Иске Гришкин авылында «Без бергә» акциясе дәвам итә

Һәрбер челтәрне үрүче кеше, бу эшнең никадәр мөһимлеген аңлап, һәр бәйләмгә җылылык һәм ышаныч өсти. Аларның һәрберсе тирән ышаныч белән әйтә:

«Без үргән бу челтәрләр безнең саклаучыларыбызның гомерен сакларга ярдәм итәчәк».

Бу гади генә эш түгел, ә Ватанны саклаучыларга булган хөрмәт һәм ярдәм күрсәтүнең бер формасы. Авыл халкының бердәмлеге һәм фидакарьлеге чынлап та сокландыра.

Бу челтәрләр фронт сызыгында булган солдатларыбызны күзәтүдән яшерергә, аларның позицияләрен камуфляжлауга һәм шуның белән аларның куркынычсызлыгын тәэмин итүгә хезмәт итәчәк. Иске Гришкин авылында яшәүчеләрнең бу инициативасы башка авыллар һәм шәһәрләр өчен дә үрнәк булып тора. Күп кенә кешеләр, бу акция турында ишетеп, үзләре дә ярдәм кулы сузарга теләк белдерәләр. Кайберәүләр материаллар китерә, икенчеләре үз вакытларын бүлеп, челтәр үрү эшенә кушыла.

Г.Бармакова фотолары.