Язгы чәчәкләр җыйган өчен җинаять җаваплылыгы янавы мөмкин

Бу хакта Мәскәү адвокатлар коллегиясе әгъзасы Павел Воропаев сөйләде.

«Дәүләтнең аерым сагы астына сирәк һәм юкка чыга торган төрләр, шул исәптән Беренче чәчәкләр керә», – дип аңлатты белгеч.

Юрист сүзләренчә, административ җаваплылык сирәк үсемлекләрне сату максатыннан башка юкка чыгару, җыю яки әйләнеш факты өчен башлана. Хокук бозучыга 2,5 меңнән 5 мең сумга кадәр штраф яный. Әмма «җинаять җаваплылыгы массакүләм җыю өчен генә түгел, ә берәм-берәм өзелгән сабак өчен дә янарга мөмкин.

Кануннарда каралган максималь санкция – дүрт елга кадәр иректән мәхрүм итү (штраф белән яки аннан башка). Әгәр дә җинаять бер төркем затлар тарафыннан кылынган икән, алты–тугыз елга кадәр иректән мәхрүм итү мөмкинлеге бар.

«Суд практикасы күрсәткәнчә, иректән мәхрүм итү еш билгеләнми, әмма җинаять эше кузгату һәм хөкем ителү факты гадәти практика булып тора», - дип ассызыклады Воропаев.

Татар-информ