Яңа Чишмәдә Зайцевлар алтын туйларын билгеләп үттеләр

Тантанага барлыгы 9 гаилә чакырылган иде. Аларның икесе – алтын туйларын, ягъни 50 еллык юбилеен, ә калган җидесе бергә яшәүләренең 45 еллыгын билгеләп үткән.

Юбилярларны район башлыгы урынбасары Надежда Попкова котлады. Ул гаиләләргә ныклы сәламәтлек, бәхет һәм иминлек теләде, шулай ук аларга район исеменнән бүләкләр тапшырды. Тантананың музыкаль бизәлеше район һәм авыл мәдәният йортлары артистлары тарафыннан башкарылды. Алар үзләренең матур чыгышлары белән бәйрәмгә ямь өстәделәр.

Бу көнне Ленино авылыннан Валентина Сергеевна һәм Иван Петрович Зайцевларны котладылар. Алар 20 февральдә үзләренең гаилә тормышларының 50 еллык юбилеен билгеләп үткәннәр. Иван Петрович һәм Валентина Сергеевна тормыш юлларында өч ул тәрбияләп үстергәннәр, ә хәзерге вакытта алар 8 оныкларының уңышларына сөенеп, шатлыклы көннәр кичерәләр. Аларның озын һәм бәхетле гаилә тормышлары күпләргә үрнәк булып тора.

С.Питеркина фотосы.