Борды волонтерлары хәрбиләргә ярдәм итә

Борды авылы клубында эш кайный – бер төркем волонтерлар маскировка челтәрләре үрә. Челтәрләр — махсус операция зонасында кулланыла торган бик кирәкле әйберләрнең берсе. Бу — бик зур ярдәм, дөрес ясалган маскировка челтәрләре пилотсыз очкычлардан һәм дошманның башка күзәтү һәм разведка системаларыннан яшереп, хәрбиләрнең гомерләрне саклап кала ала.

Борды авылының мәдәният йортында һәр көнне диярлек җыелып, Ватанны сакларга киткән егетләребезгә ярдәм итү максатыннан, махсус хәрби операциядә катнашучылар өчен челтәр үрү эше туктаусыз дәвам итә.

 “Бу изге эштә авыл халкы, төрле яшьтәге кешеләр бердәм катнаша. Һәрбер кеше үз өлешен кертә, үзенең җылысын, теләген челтәрләргә сеңдерә. Безнең егетләребезне дошман күзләреннән саклап, аларның исән-сау әйләнеп кайтуына ярдәм итәр дип ышанабыз. Авыл халкының бу тырышлыгы, Ватанга булган мәхәббәте һәм ярдәмчел рухы аеруча кадерле”, – ди мәдәният йорты җитәкчесе Нурия Рамазанова.

Нурия Рамазанова фотолары.