Язгы арыганлыклык белән ничек көрәшергә?

Бу үзгәрешләр безнең организмыбызга да йогынты ясамый калмый: гормоннар һәм ферментлар эшләп чыгару активлаша, нерв системасының ярсучанлыгы арта. Шушындый шартларда организмның биологик актив матдәләргә - микроэлемент, витамин, антиоксидантларга ихтыяҗы арта. Шулай ук иммунитет кими.

Нервларны саклау өчен гади, әмма файдалы чаралар кулланырга тәкъдим итәбез:

- Эш белән ялны дөрес чиратлаштырыгыз.

- Һәр көнне иртән салкын душ керегез яки салкын суга чылатылган сөлге белән тәнегезне ышкыгыз.

- Кальцийга бай ризыклар - чи яшелчә, җиләк-җимеш, сөт, йомырка сарысын күбрәк кулланыгыз. Әгәр дә эшегез акыл хезмәте белән бәйле булса, әстерхан чикләвеге, миндаль, балык (аеруча чуртан) ашагыз.

- Йоклар алдыннан аякларыгыз өчен 42 градуслы 10 минутлык кайнар ванна ясагыз.

- Организмнан токсиннарны чыгару өчен көнгә З литр сыеклык - төрле чәйләр, соклар, минераль сулар эчәргә тәкъдим итәбез.

- Бераз күләмдә цитрус (лимон, апельсин, грейпфрут) согы, 2 чәй калагы балны 1 стакан кайнар суга салып эчсәгез, хәлсезләнгәндә, энергиягезне кайтарырга ярдәм итәр. Моңа чикләвек өстәсәгез дә яхшы булыр

- Разгрузочный көннәр артык авырлыктан котылырга һәм организмның каршы торучанлыгын арт-тырырга булышыр.

- Саунага барыгыз: тән тирегез тирәнтен чистарыр, ә температураның кискен үзгәреше кан йөрешен һәм матдәләр алмашын нормага китерер.

- Хроник арыганлык һәм иммунодефицит вакытында көннең беренче яртысында элеутерококк тамыры экстракты кулланырга кирок.

- Диңгез ризыклары ашагыз, чөнки организмга йод җитешмәү шулай ук арыганлык сәбәбе. Диңгез кәбестәсе - иң яхшысы.

- Акыл хезмәтеннән арыганда суган булыша. Дозасы: һәр көнне ярты суган.

Фото: vsudu-sport.ru