Петуния күкәй кабыгы ярата

Петунияләр яз ахырыннан беренче кыраулар төшкәнче шау чәчәктә утыра. Моның бер сере бар.

Язын чәчәк үсентеләрен бакчага яки савытка күчереп утыртканчы, туфрагына көл яки күкәй кабыгы өстим. Кабыкны тузан рәвешенә килгәнче ваклыйм. Моның өчен иң җайлысы – «кофемолка». Ә көл әзерләү өчен кычыткан кирәк. Яшь кычытканны күләгәдә 7 көн буе киптерәм. Яфраклары уала башлагач, утка бирешми торган савытка тутырып, яндырам. Янып беткәч, көл әзер дигән сүз, – ди Зоя Михайлова Балык Бистәсеннән.

Бер петуния үсентесенә чама белән 1 аш кашыгы күкәй кабыгы һәм 1,5 аш кашыгы кычыткан көле кирәк. Чәчәкләрне аена бер тапкыр шулар белән ашлыйсы. Беренче тапкыр – туфракка утыртканда.

Ватаным Татарстан