Мангалдагы паприкалы люля-кебаб

Люля-кебаб пешерү өчен, түбәндәге продуктлар кирәк:

— тавыкның түш ите — 600 грамм;
— күкәй — 1 данә;
— башлы суган — 3 данә;
— каты сыр — 200 грамм;
— болгар борычы — 2 данә.

Шулай ук, тәменчә, тоз, борыч һәм төелгән паприка, тәмләткеч яшел үлән дә кирәк була.

Тавык итен бик вак итеп турыйбыз (иттарткыч аша чыгарырга да була). Суганны да иттарткычтан чыгарып, шул тавык фаршына кушабыз. Сырны да вак кисәкләргә ваклап, фаршка өстибез. Фаршка күкәй сытып салабыз, тоз, борыч, паприка сипкәч, озаклап болгатабыз. Бу әзер фаршны кулга алабыз һәм аны берничә мәртәбә куна тактасына ыргытабыз. Шулай эшләгәндә фарш тыгызланып кала. Суыткычка 30 минутка куеп торабыз. Ул арада агач шпажка-таякларны салкын суга салып тотабыз. 

Борычны орлыкларыннан чистартып, эре итеп турыйбыз. 

Суыткычтан фаршны алып, түгәрәкләр ясыйбыз. Борыч кисәкләре белән фарш түгәрәкләрен чиратлаштырып, шпажкага тезәбез. Мангалдагы кайнар кузда, әйләндерә-әйләндерә, 25-30 минут пешерәбез. Өстенә тәмләткеч үләннәр сибеп табынга бирәбез.