Дәваны табигатьтән алыгыз

Тукранбаш (клевер) чәчәге төнәтмәсен чәй урынына эчсәгез, кан тамырларын чистартыр.

- Кан чистарту өчен кычыткан төнәтмәсен 14 кән эчәргә кирәк.

- Остеопороздан иң яхшы профилактика - көн саен иртән бер стакан суга бер аш кашыгы алма уксусы болгатып эчү.

- Ашказаны җәрәхәтеннән ике ай буена иртән ач карынга 1 аш кашыгы дуңгызның тозсыз эч маен эчәргә.

- Шикәр чиреннән 1 стакан кайнар суга 1 аш кашыгы андыз (девясил) тамырын салып, сүрән утта 30 минут тотарга, соңыннан суынганчы  төреп куярга. Көн саен ашар алдыннан 3 тапкыр  1 аш кашыгы эчәргә. Өч атна эчкәч, 5 көн ял итәргә һәм дәвалау курсын дәвам  итәргә.

Усак каерысын (50-60 грамм) 1 литр суда көн саен кайнатып эчәргә. 20-25 көн эчү кандагы шикәрне күпкә киметә. Язгы каеры яхшырак.

- Усак агачы көлен иләп, вазелин белән бутарга. Экземадан бик яхшы дәва.

- Чәч үстерү өчен 200 гр. коньякны 100 гр. угычта уылган суган яки сарымсак белән бутарга, яхшылап чәч төбенә сөртергә. Состав беткәнче, көн саен кулланырга.

- Склероздан чи бәрәңге  согы эчәрә. Көнлек норма - кабыгы белән угычтан уылган бер бәрәңге.