Дару үләннәрен дөрес итеп киптерегез

Кибәргә куелган үләннәрне кояшта тотарга ярамый. Аны бераз җилле урында, саф һавада киптерергә кирәк. Үлән киптерү өчен иң яхшы урын — чорма (чердак).

Ромашка, мәтрүшкәләрне, каен яфрагын бәйләм итеп җыеп элеп киптерсәң яхшы.

Үлән тамырлары кояшта яхшы кибә.

Бака яфрагы белән үги ана яфрагын кәгазьгә берәмләп куеп киптерергә кирәк. Өсте-өстенә салынса, алар кибә алмый, каралып чери башлаячак. Бер-ике көннән аны икенче ягын әйләндереп тә киптерәсе була.

Кипкән үләннәр озаклап тузан җыеп ятарга да тиеш түгел. Шуңа күрә аны кибүгә үк урнаштырырга кирәк.