Чикләвекле, мәкле пирог (рецепт)

Кирәк булачак: акмай -120 грамм, 1 күкәй, 2-3 аш калагы шикәр комы, 1 чәй калагы камыр көпшәкләндергеч (разрыхлитель), он -200 грамм, әстерхан чикләвеге – 200 грамм, мәк – 150 грамм. 

Эчлек өчен: эремчек – 300 грамм, 3 күкәй, 2-3 аш калагы куе каймак, 3 аш калагы кукуруз крахмалы, 2-3 аш калагы шикәр комы.

Акмайны  эретеп, бер күкәй, шикәр комы һәм  камыр көпшәкләндергеч (разрыхлитель) салып болгатылган он кушып, камыр басабыз.

Әстерхан чикләвеген кайнаган салкын суга салып, бер сәгать тоткач, бик вак кына итеп турыйбыз.

Мәкне кайнаган җылы суга салып, ярты сәгать тотабыз. Вак тишекле иләккә салып, суын саркытабыз. 

Эремчеккә  күкәй,  куе каймак, кукуруз крахмалы, шикәр комы салып, пирог өчен эчлек әзерлибез. 

Камырны ике кисәккә (берсе — зуррак) бүлеп жәябез. Беренче катламга — юка гына итеп эремчекле катнашма, аннан — чикләвек, анысы өстенә мәк салына һәм шул рәвешле чиратлаштырып, салып бетергәч, пирог өстенә камыр каплап, матурлап бөрәбез.

Газ пичендә (170 градус кызулыкта) 45-50 минутлап пешереп алабыз.