Витаминлы конфет (рецепт)

Кирәк булачак: йөзем, чәй содасы, кайнар су, әстерхан чикләвеге, кабак төше, фисташка, миндаль, геркулес ярмасы, кунжут, бал, чи күкәй сарысы, үсемлек мае.

Савытка салынган йөземгә (1/3 стакан) бер чеметем чәй содасы сибеп, кайнар су коеп болгатабыз, суны түгеп, кат-кат салкын суда юып киптерәбез. Берәр уч әстерхан чикләвеге, кабак төше, фисташка һәм миндальне пычак белән ваклыйбыз. 

Тирән савытка «Геркулес» ярмасы (1/2 стакан), кунжут (1/2 стакан) һәм чикләвекләрне салабыз. 2-3 аш калагы бал, 1 чи күкәй сарысы, 1-2 чәй калагы үсемлек мае өстәп, әйбәтләп болгатабыз. Катнашма үзлеләнеп торсын өчен 15 минут тотабыз. Кулларны суга манып алып чикләвекле катнашманы түгәрәкләп конфетлар ясыйбыз. Табага тезеп, газ пичендә (120 граудс) 1 сәгать тотабыз. Газны сүндергәч тә, чикләвекле конфетларны суынганчы духовкада калдырабыз. Соңыннан суыткычта саклыйбыз.

Фото: «Туганайлар»