Төрледән-төрле

Коймак тәмле булсын өчен киңәшләр

Туганайлар, 27 февраль 2025 - 08:00

175

Коймак тәмле булсын өчен дә үз серләре бар.

Коймак пешерер алдыннан, камырына күпертелгән йомырка агы кушсагыз - тагын да тәмлерәк була.
Камыры артык куе булса, аның эче пешмәскә мөмкин. Шуңа ул кашыктан җиңел агып төшә торган булырга тиеш.
Камырына җылытылган үсемлек мае кушыгыз. Бу очракта табаны майлап тормасагыз да була икән.
Таба чуен, кечкенәрәк, төбе калын булса, коймак аеруча уңа. Ә пешерә башлаганчы, табаны җылытырга һәм майларга онытмагыз.
Суга басылган камырдан коймак бигрәк тә күпереп, тәмле булып пешә. Мондый коймакны пешерүе дә җиңелрәк.
Коймак матуррак — кызарыбрак, челтәрләнебрәк пешсен өчен онны иләгәч, бераз «ял иттерергә» һәм шуннан соң гына камыр изәргә кирәк.
Суга тоз салып болгаткач кына он өстәргә. Болай эшләгәндә, камыр төерчекләнмәячәк.
Коймак өчен чи чүпрә әйбәт. Шулай ук тоз һәм шикәр комының чамасын белү шарт. Тозы күбрәк булган камыр начар әчи, шуңа күрә коймаклар төссез килеп чыга. Ә инде шикәр комын күбрәк салган очракта коймак тиз искерә.

Следите за самым важным и интересным в Telegram-каналеТатмедиа