"Зебра" торты рецепты

 Кирәк булачак:

4 йомырка
Шикәр — 200 гр
Сыек май — 200мл
Җылымса су —120мл
Разрыхлитель —10г
Ванилин — 1 кап
Он — 270 гр
Какао — 2 аш кашыгы
Йомырка сарысын агыннан аерабыз. Шикәр белән йомырка сарысын бутап болгатабыз (мин гадәти венчик белән генә эшләдем), җылымса су, май өстибез. Болгатабыз. Он, разрыхлитель, ванилин өстибез һәм яңадан яхшылап болгатабыз.
Йомырка агын миксер аша уздырабыз (взбиваем до белых пиков). Алдан ясалган камыр янына салып сак кына барысын бергә бутыйбыз. 1/4 өлешенә какао өстибез.
Бер аш кашыгы чамасы камырны таба уртасына какаолы камыр белән чиратлаштырып салып барабыз. Соңыннан зубочистка ярдәмендә бизәген ясасагыз була. Балалар янда булса, аларга бу өлеше аерым ошаячак. 
180°С та 45 минут пешерәсе.

Чыганак

Фото:https://pixabay.com/ru