Юеш битне сөртергә ярыймы?

Без барыбыз да диярлек, юынып чыкканнан соң битне сөлгегә сөртәбез. Ә Кореядә исә хатын-кызлар болай эшләми. Моның турында «Челнинские известия» газетасы яза.

Моның сәбәбе — дымлы битне сөрткәч, тиренең торышы начарлана икән. Хәтта тукыма нинди генә йомшак булса да, тире өслегендә бик вак ярыклар барлыкка китерә. Аларда патоген микроорганизмнар үрчи. Шуңа ялкынсынулар барлыкка килергә мөмкин.

Шулай ук, юеш тирене сөлге белән сөрткәндә, эпидермис җепселләре тартыла. Ә бу җыерчыклар китереп чыгара ала.

Кореянкалар күбесе бер тапкыр куллана торган кәгазь сөлгеләр белән тирене әкрен генә кипшетә. Яки учлар белән җиңелчә массаж ясап биттәге суны сыпырып төшерә.

Чыганак: Интертат

Фото: https://pixabay.com/