“Туганайлар”ның 10 ноябрь санына кыскача анонс

“Туганайлар” газетасының бу санындагы 1-5нче битләреннән Казан шәһәренең Җәкәү йортында үткән Әлмәт ягы керәшеннәренең йомгаклау концерты турындагы язманы укый аласыз.

***

Газетаның әлеге санындагы 2нче биттә республикабыздагы авыл җирлекләре тормышына кагылган хәбәрләр, ил-көн яңалыклары урын алды.

3нче биттәге “Алтын багана”сыз” язмабыз 30 октябрьдә 85 яшендә арабыздан киткән Россиянең – атказанган, Татарстанның халык артисты Николай Дунаев белән хушлашу көненә багышланган.

***

4нче бит тулысынча “Яшьләр” темасын яктырта. Монда мәхәббәттә туган катнаш гаилә, Казан Кремлендә үткән “Бик матур” дефилесы турында язылды.

 ***

6нчы биттәге “Белемнек” рубрикасында Кукмара районының Үрәсбаш авылында Ходай йорты төзелү хакында һәм исәнлек-тазалык өчен иманнар белән танышырсыз.

***

2-3 ноябрьдә Чиләбе өлкәсенең Нагайбәк районында нагайбәкларнең тарихына, мәдәниятенә һәм йола-гадәтләренә багышланган чаралар узды. Әлеге чарада Казаннан да катнашучылар булды. Җиденче биттәге  рус телендәге язманы укыгач, бу хакта тулырак мәгълүмат алырсыз.

***

Соңгы, 8нче биттә, файдалы киңәшләр, газета укучыларның котлаулары язылды.