Халык чын күңелдән яңгыр сорый

Үри Чаллысы  халкы чиркәү янына җыелып яңгыр сорау йоласын башкарган. Үри Чаллысы  авылында тарихы бик борынгы заманнарга барып тоташучы чиркәү бар.

 Апрельнең урталарыннан бирле яңгыр булмау сәбәпле, авылның өлкәннәре Ходайдан шифалы яңгырлар сорарга шул чиркәү янына җыелган.

“Илья әтигә теләк теләп, чиркәүне тазартып дөньялар имин һәм тыныч булуын теләп, иманнар укыдык. Тәмле ботка пешереп, үлән чәе әзерләп, табын корып, сыйландык. Табышмак-мәкальләр әйтешеп, такмаклар җырлап, үз күңелебезне үзебез күтәрдек. Ахырдан, балачагыбызны искә төшереп, чыр-чу килеп килеп, бер-беребезгә су сибештек”, – дип хәбәр итте клуб җитәкчесе Евдокия Толстова .

Кумырык авылында яңгыр боткасы пешергәннәр, иман укыганнар, аннары ботка пешергәннәр.