Керәшеннәр этнографик диктант язды

Акциядә катнашкан Балык Бистәсе районыннан килгән делегация арасында керәшен кызларыбыз Евдокия Толстова һәм Лариса Кибяковалар да бар иде.

Россиядә гомер итүче милләтләрнең тарихы, мәдәнияте, көнкүреше, гореф-гадәтләре белән кызыксынган һәркем диктант биремнәрен үтәүдә катнашып, этнография өлкәсендәге белемнәренең ни дәрәҗәдә икәнен ачыклый алды. Катнашучыларга 30 сорауга җавап бирергә кирәк иде. Утыз биремнең егермесе – федераль, унысы төбәгебезгә багышланган. Җаваплар 100 баллы система белән бәяләнәчәк.

“Олыгаеп барганда укучылар шикелле диктант язу күңелләрне яшәртте, диктант тәмамлангач, барлык катнашучылар да, “сораулар гади булмады, барысына да төптән уйлап җавап язарга кирәк”, дигән нәтиҗә ясады. Бу таныш булмаган фактлар турында мәгълүмат эзләүгә һәм этнографик грамоталылыкны күтәрүгә дә зур этәргеч булыр дип өметләнәбез”, – диделәр Евдокия белән Лариса. Этногрфик диктантның нәтиҗәләре 11 ноябрь көнне билгеле булачак.