Керәшен авылларында легендаларга бай һәм үзенчәлекле атамалы чишмәләр шактый.
Питрәч районындагы Керәшен Сәрдәсе авылы янында элгәредән килгән, үзенең серле һәм бай тарихы белән билгеле булган Изгеләр чишмәсе бар. Бу чишмә гади генә су чыганагы түгел, ул — авыл халкының рухи таянычы, буыннарны тоташтырып торучы изге урын.
Качману бәйрәме көннәрендә священник нәкъ менә шушы чишмәгә килеп, суны аруландырган. Авыл халкы зур өметләр һәм иман белән, чишмә буена җыелып, шифалы су ала. Халык арасында бу чишмә турында матур сүзләр йөри: «Чишмәдә теләнгән теләкләрне Ходай ишетә, аларны беркайчан да буш калдырмый».
Фото: Николай Морозов
Нет комментариев