Пасхадан соң тугызынчы көндә - Пуминка (Радоница)

Пуминка (Радоница) Пасха седмицасыннан соң килә. Пуминканы үлеләр Пасхасы дип тә йөртәләр. Пасхадан соң 9нчы көндә була.  Бу көнне православныйлар зиратка, туганнары өстенә "Христос терелеп торган" дип әйтергә бара. 

Радоница "радость" сүзеннән алынган. Христосның терелеп тору шатлыгын үлегәннәр белән дә уртаклашу, дигәнне аңлата.  

Безнең керәшеннәр бу көнне зиратта үлгән кешеләр өстендә иман укып, ризыктан тәберсен итә (әйтеп ашый). Кабер өстендә үлеләргә дә "сый"  калдыра. 

Бу көнне әйтеләсе иманнар. Алар үзгәртелмичә, чиркәү-керәшен язуында бирелә.

Тропарь: 8нче кöй

"Булган нястялярне чиксез белемнегеҥ белян, кешеляргя пайда öчöн булдырыучы Ходай. Ӱлгян мяндяляреҥнен жаннарын тынычландыр,алар öмöтлярен Син безне Булдырыучы, безне тöзеӱче Аллага салыб торганнар".

Кондакь: 6нчы кöй

"Эй Христосъ! Ӱз мяндяляреҥнен жаннарын, ауыртыу, кöйöк, кайгырыу жук жирдя, мянге тормошта, äӱлеяляреҥ белян тынычландыр".

"Мянгегя исеҥдя тот". (3 табкыр)

Эй Ходай, бу тормоштан кючкяннярне исеҥя ал, дӧрӧс денне тоткан, падшаларны, князлярне, ирлярен дя, катыннарын да, изге патриархларны, кадерле Митрополитларны, чын дендя булган Архиепископларны, Епископларны, Священник кызмятендя, жя чиркяӱ кызмятендя, монахлык кызмятендя тороб ӱлгяннярне, аларныҥ барысын да Ӱзеҥнеҥ мяҥгелек урыныҥда изгеляр белян бергя тынычландыр. (Башыр)

Эй Ходай, ӱлгян мяндяляреҥнеҥ жаннарын исеҥя ал, минем атамны, анамны (ӱлгян булсалар исемнярен ӓйт), ...ны бар карендяшляремне, аларныҥ иректян, ирексездян кылган бар жазыкларын кичер, аларга Кюк Падшалыгында урын биреб, Ӱзеҥнеҥ мяҥге жактылыгыҥа ӧлӧштяш итеб, Ӱзеҥнеҥ мяҥге ряхят тормошоҥныҥ кыуанычын бир.

Эй Ходай, терелеб мяҥге тормошта булырбыз диб ӧмӧтлянеб ӱлгян аталарыбызны, ага-эне, тут сеҥелляребезне шушында да, ӓр-бер жирдя жата торган христианнарны барысын да исеҥя ал. Ӱз жозоҥнеҥ жактылыгы жактыра торган урынга изгеляреҥ белян урыннаштыр, Ӱзеҥ изгелеклегя, кеше сӧйӧӱчегя кюря безне дя жарлыка, аминь. (Башыр)

Арттан монысын 3 табкыр ӓйт.

Эй Ходай, ден тотоб, терелеб торорга ӧмӧт тотоб ӱлгян аталарыбызныҥ, ага-эне, тута-сеҥелляребезнеҥ жазыкларын кичер, аларны мяҥгегя исеҥдя тот.

Чыннаб дӧрӧс тейешле, эй Алланы тыудырган Кыз Сине кадерляргя, Син мяҥгегя кадерле, шиксез, таза, Син безнеҥ Аллабызныҥ Анасы, Херувимнярдян дя кадерле, Серафимнярдян дя данны, Кыз кӧйӧ Алланы тыудырган, чын Алла Анасы Сине ололойбыз.

Шöкöр Атага, Улга, Святый Тынга, äле дя äр чакта да, гумердян гумергя. Аминь.

Эй Ходай, жарлыка. (3 табкыр)

Эй Ходаем Иисусъ Христосъ, Алла Улы, Синеҥ кядерле Таза Анаҥныҥ да, бар ӓӱлияляреҥнеҥ дя телякляре какына миҥа булышыб, бӧгӧнгӧ кӧннӧ жазыктан сакланырга кыуат бир, бӧгӧнгӧ кӧннӧ зыянсыз, хятярсез, кайгысыз, татыулык белян ӱткязергя тейешле ит, бӧгӧнгӧ эшлясе эшляремне Ӱзеҥ бяхилляб, уҥышлы ит. Аминь.

Бу кызыклы:

Керәшен зиратында тәртип нинди булырга тиеш?