Татарстанда хәзерге вакытта Бөек Ватан сугышында катнашкан 92 фронтовик бар

Сугышта булган ветераннарның тол хатыннары — 1017, шулай ук, 5 мең 534 сугыш ветераны (сугыш чорында тылда эшләп, 1995 елдан сугыш ветераны статусына ия булган — ред.) исәпләнә.

Ветераннарның 912сенә өйләрендә социаль-медицина ярдәме күрсәтелә. 25е тиешле шартлар тудырылган интернатларда яши. Җиңү бәйрәме алдыннан аларның барысына да, Россия Президенты указы нигезендә, билгеле бер суммада акча бирелгән, шулай ук, республика Рәисе котлавы, азык-төлек җыелмасы тапшырылган. Җиңүнең 81 еллыгына әзерлек һәм аны уздыру буенча оештыру комитетының Хөкүмәт йортындагы утырышында шундый саннар китерелгән.