«Кряшен чибяре-2023» титулы иясе Анжелика Павлова кияүгә чыкты

«Кряшен чибяре-2023» бәйгесендә җиңү яулаган, Теләче районының Субаш авылы кызы Анжелика Павлова белән Балык Бистәсе районының Алан-Полян егете Равил Федотов үзләренең язмышларын бәйләделәр. Яшьләр бер ел ярым очрашып йөргәннән соң, быел җәй үзләренең мәхәббәтләрен законлы рәвештә ныгыттылар.

Анжелика — һөнәре буенча медицина хезмәткәре. Ул Казан медицина колледжын тәмамлаган һәм бүгенге көндә халык сәламәтлеге сагында тора. Аның сөеклесе Равил да исә җаваплы һөнәр иясе — ул Казан шәһәрендә янгын сүндерү хезмәтендә эшли. Икесе дә үз эшенең остасы, максатчан һәм тырыш яшьләр. Аларның гаилә тормышлары да шундый ук якты, имин һәм бәхетле булсын. Яшьләргә тигез гомер, мәхәббәт һәм гаилә бәхете телибез!

Фотолар: шәхси архивтан.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.