“Ил сагында – асыл егетләр”: Урта Баграж авылы егете Артем Егоров

Армиягә киткәнче ул Зәй  политехник колледжын тәмамлый. Кулына диплом алган егет башта ил алдындагы хәрби бурычын үтәргә карар кыла.

- Безнең гаиләдә дүрт кыз һәм ике малай үсте. Абыем Кузьма да Ватан алдындагы хәрби бурычын үтәде. Ә апаларыбыз, әниебез  безне җылы сүзләре белән рухландырып торучылар,- ди солдат егет.

Артем Свердлов өлкәсендә хәрби бурычын үти. Аның кайтыр көннәрен әнисе, туганнары  санап көтә.

-Улымның хезмәт итүенә тиздән сигез ай була. Хәзер ул “таудан төшә”, калган вакыт та сизелми дә узып китәр. Исән-сау гына булсыннар. Минем теләгем бер - җир йөзендә сугыш утлары кабынмасын, яшь егетләрнең гомере вакытсыз өзелмәсен, әти-әниләр кайгы яше түкмәсен иде,  - ди әнисе Татьяна.

"Зәй офыклары"