Никифор Тукмачев: «Җан ышанмый: гомеремнең дә көзенә җиттем»

Ява, ябалак кар ява,
Салмак кына, тын гына.
Бар дөньяны акка күмә,
Кар түгелдер, моң гына.

Әйтерсең ак күбәләкләр
Куналар иңнәремә.
Исәрләнеп басып торам
Әкият илләрендә.

Җан ышанмый: гомеремнең
Мин дә көзенә җиттем.
Шул карларны күрер өчен
Зарыгып көзне көттем.

Яшьлеккә алып кайтучы
Әллә шушы кар микән?
Ябалак кар яуганнан да
Серле мизгел бар микән?

Балачакка алып кайтты,
Бишек җырын көйләде.
Ябалак кар мине бүген
Ак биләүгә биләде.

Югары Баграж авылы төркеме