Надежда Токранова – «Халкыма»

Керәшеннәр җырлы халык
Моңга тулган дөньясы.
Җырга- моңга тулы күңел,
Ничек җанга сыясы.

Иркен күңел, шат ла җөзләр,
Кайлардан килгән безгә?
Ходай биргән, күктән иңгән
Саргаймас җөрәк бездә.

Чын җарату белән карыйм,
Халкыма горурланып.
Кечкенәдән тугры хисләр,
Килә миндә сакланып.

Безнең кулда саклап калу,
Халкыбыз асылташын.
Киләчәк буын кулына,
Салабыз халык башын.

Уйларга кирәк бүгеннән,
Өметлеме киләчәк?
Һәр керәшен урынына,
Нинди бәндә киләчәк?

Безнең кулда, бездән тора,
Милләтебез язмышы.
Яклый белик, саклый белик,
Ходай бирер яхшысын!

Чыганак: Н.Токранованың шәхси бите