Купи дәдәйнең өлкәннәр турында мәзәкләре

***

Автобуста бер әби:
— Нигә бөтен кеше төшә, әллә соңгы тукталышка җиттекме? - дип сорый.
— Юк ла, — диләр аңа. — Автобуска билет тикшерүчеләр керде...

***

Әби белән бабай яшь чакларын искә төшереп утыралар. 
— Хәтерлисеңме, карчык, — ди бабай, — өйләнешкәч, без синең белән бер-беребезгә хыянәт иткән саен берәр борчак салып барырга сүз беркеткән идек? Менә минем җиде борчак җыелган.
— И-их, — дип куя әби һәм дүрт борчак чыгара.
— Нәрсә, шуның белән шулмый? 
— "Шулмы"! Ә кем сиңа сугышның башыннан ахырына кадәр борчак боткасы ашатты?!

***

Йоклар алдыннан әби бабайдан сорый:
— Син ишекнең аскы биген яптыңмы?
— Яптым.
— Ә инглиз йозагына?
— Бикләдем.
— Чылбырны эләктердеңме?
— Эләктердем.
— Өске бикне?
— Ой, онытканмын...
— Менә сиңа мә! Халык, кер дә ни теләсәң, шуны ал әйдә!

***

Ике әби урманда гөмбә җыеп йөри. 
— Кара аны, бу урманда агулы гөмбәләр күп. Сак бул, — ди берсе икенчесенә.
— Хафаланма, мин аларны үзем ашамыйм, базарга сатарга алып чыгам.