“К” хәрефеннән генә башлап язылган шигырь

Кышын Келәтледә кызык. Кызыкларны күр, көлсәң көл.

Келәтле керәшеннәре киемнәрен кат-кат киеп, кош-кортларны карыйлар. Келәткә кереп, кытыршы кулларын куеп, кисмәк кырыйларын капшыйлар.

Кәҗәләргә — көлтә, кыр куяннарына капкын коралар. Карга-козгын килмәскә карачкысын кагып куялар. Кичен куенына көмешкәсен кыстырып, күршеләргә кунакка керәләр.

Күңелле Келәтледә

Картлар картаймыйлар,
Киленнәр кабаланмыйлар.
Каенанасы — каештай,
Кызларыбыз — камыштай,

Күккә карасаң — кояшы...
Киләдер кычкырасы:
Килегез, килегез!,
Келәтлене күрегез.
Керәшеннәр, килсәгез,
Күңелегезне күрербез.
Кабат-кабат килерсез.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.