Янсуар авылының түгәрәк уен көе

Узыйык, кай, урам без буенча,
Күрсеннәр күзләрей туйгынча.
Жаныйым, асыл безнең ил.
Күрсен, нәй, күзләрей, ай, туйгынча.
Без булмабыз гумер буйынча,
Жаныйым, асыл безнең ил.

Урманнарга барсаң, сызгырып бар,
Урман күкрәкләре үкерсен.
Жаныйым, асыл безнең ил.
Алышулар, булсаң, ал тизерәк,
Алмый калган кызлар үкенсен.
Жаныйым, асыл безнең ил.

Челтереп, тәй, аккан ак чишмәнең
Атлап чыксам, акмас итәрмен.
Жаныйым, асыл безнең ил.
Ике, ләр, ди, күреп бер сөйләшсәң,
Артларымнан калмас итәрмен.
Жаныйым, асыл безнең ил.

Чабыйык, кай, печән, без чабыйык,
Чынгырдатып чалгы җаныйык.
Жаныйым, асыл безнең ил.
Бу, ди, җәшь гумерләр ике килмәс,
Уйнап кына, келеп калыйык. 
Жаныйым, асыл безнең ил.

Карай урманнарны өч әйләндем,
Таянырга таяк тапмадым.
Жаныйым, асыл безнең ил. 
Күпләр эзләдем, дәй, күп сорадым,
Сездин артыккайлар тапмадым.
Жаныйым, асыл безнең ил.